Naglunsyar sang liwat nga airstrike ang Estados Unidos batok sa Iran, nga nagamarka sang ika-11 nga asod-asod nga gab-i sang pag-atake.
Ginpahayag sang US military nga naigo sang operasyon ang pila ka mga pasilidad sang Iran nga ginagamit para sa mga missiles, drones kag iban pa nga kagamitan militar.
Suno sa mga opisyal, ang mga strikes ang may katuyuan nga mabuhinan ang ikasarang sang Iran nga maglunsyar sang dugang nga mga pag-atake kag maprotektahan ang mga pwersa sang US kag mga kaalyado sini sa rehiyon.
Hugot nga ginpakamalaot sang Iran ang mga airstrikes kag nagpaandam sang pagbalos.
Padayon nga nagataas ang tensyon sa Middle East, sa diin madamo nga mga pungsod ang nagakabalaka nga mahimo nga maglala pa ang giyera.
Samtang, nagapanawagan ang nagkalain-lain nga pungsod kag internasyonal nga organisasyon sa Estados Unidos kag Iran nga padayunon ang diplomasya agud malikawan ang mas masangkad nga kinagamo sa rehiyon
