KORONADAL CITY- Nagresulta sa pagdinaguso ang una nga adlaw sang pay out sang Educational Cash Assistance para sa mga estudyante agud kun tani makabulig sa ila nga pag eskwela kag sa pag abre sang klase sa palaabuton nga lunes, August 22, 2022.
Apang ginkakibot sang tanan nga tuman gid ang pagdisnguso sang tanan nga pumuluyo agud lamang makakuha sang nasambit nga ayuda.
May yara sang nagluntad nga stamped nga nagresulta sang pagdumugay, pagkalipong kag pagkatumba sang pipila ka persona agud nga makakuha lamang sang form.
Nahibaluan nga humalin pa ala una kag alas 3 sang aga nagpila na angpipila ka pumuluyo sa paglaum nga makakuha sang assistance.
Kung madumduman sa pakig angot sang Bombo Radyo Koronadal kay Mr. Restituto Macuto, Regional Director sang DSWD 12, nga indi dapat magkabalaka ang mga kwalipikado nga benepisyaryo sang educational assistance nga indi maakomodar , bangud madamo pa sang nablin nga adlaw para sa nasambit nga pay outs.
Ginsiling man sini nga mga in-crisis situation lamang ukon mga indigent nga estudyante ang resipyente sini nga ayuda, nga sandig sa ila guidelines ini ang kaangay sang mga masunod:
*breadwinner
*working student
*bata sang solo parent
*bata sang OFW
*may ginikinan nga may HIV
*naga-istar lamang sa ila himata/gin-abandona
*wala sang trabaho ang ila ginikanan
*biktima sang pagpangmaltrato
*biktima sang kalamidad ukon trahedya.
Samtang ang mga kinahanglanon naman nga mga requirements amo ang madason:
*Certificate of enrollment ukon registration nga makapamatuod nga nakapa-enrol na ang ila estudyante, kag
*Valid ID sang bata kag ginikanan.
Nagapangayo man sang kooperasyon ang opisyal sa mga pumuluyo nga magsunod sa pagsulondan kag indi na magdinaguso sa venue.
Matandaan man nga suno kay DSWD Sec. Erwin Tulfo, naka-iskedyul sa anum ka mga Sabado ang payout, ini ang Agosto 20, 27 Setyembre 3, 10, 17 kag 24.
