Ginpasaka ni U.S. President Donald Trump ang global duty sa mga ginabakal nga produkto sa 15% matapos gindeklarar nga ilegal sang U.S. Supreme Court ang dako nga bahin sang iya tariff program.
Sa iya Truth Social platform, ginpahayag ni Trump nga pagkatapos sang “thorough review” sa desisyon sang korte, ginpasaka sang administrasyon ang taripa sa 15%, nga ginpahayag niya nga legal kag “fully allowed.”
Nauna na gin-anunsyar ang 10% tariff pagkatapos sang desisyon sang korte, kag plano sang administrasyon nga magpangita sang iban nga “legally permissible” nga paagi agud magpataw sang dugang nga taripa.
Suno sa White House, temporaryo lang ang 15% duty kag mahimo ini maglawig tubtob 150 ka adlaw.
May mga exemption para sa pila ka sektor kasubong sang pharmaceutical products kag mga produkto nga sakop sang US-Mexico-Canada trade agreement.
Ang ini nga tikang bahin sang nagabag-o nga polisiya sa taripa sang administrasyon ni Trump.
Nagdesisyon sang Biyernes ang Supreme Court nga ang 1977 nga layi nga gin-usar ni Trump wala nagahatag sang awtoridad sa presidente agud magpatuman sang nasambit nga taripa, nga ginpangunahan ni Trump nga “extraordinarily anti-American.”
