KORONADAL CITY – Naaresto ang isa ka trisikad driver sa ginpatigayon nga anti-Illegal drug entrapment operation sang mga otoridad sa Purok Emiliana Extension, Barangay Calumpang, General Santos City kun diin nakuhaan ini sang droga, armas kag bala.
Ginkilala ni Police Brigadier General Percival Augustus Placer, Regional Director sang PRO 12, ang suspek nga si alyas “Ben”, 44 anyos, may asawa, kag residente sang Tubaran, Barangay Pagalamatan, Lanao Del Sur.
Suno kay PBGen Placer, 4:41 sang kaagahon sang ginpatigayon sang mga otoridad ang anti-Illegal drug entrapment operation sang gintingob nga pwersa sang mga operatiba sang General Santos City Police Station kag PDEA 12.
Nakumpiska gikan sa suspek ang isa ka yunit sang kalibre .38 Armscor kag tatlo ka live ammunition sang kalibre .38 kag isa ka medium size heat-sealed rectangular transparent plastic sachet sang ginapatihan nga shabu, kwarta, cellphone kag mga IDs.
Magapangatubang naman sa kaso nga paglapas sa R.A. 9165 ukon ang Comprehensive Dangerous Drugs Act of 2002 at RA 10591 ukon ang Comprehensive Firearms and Ammunition Regulation Act.
