KORONADAL CITY- Tensiyunado sa karon ang talatapan sang DTI Regional Office 12 makaligad nga indi luyag magpanaog sa pwesto ang Regional Director sang nasambit nga talatapan samtang gapanindugan naman sang Assistant Regional Director nga siya ang nakatalan nga OIC humalin pa kahpon, Agosto 1
Sa interbyu sang Bombo Radyo Koronadal kay outgoing Regional Director Jude Jaugan sang Department of Trade and Industry 12, ginpahayag sini nga magapabilin siya sa posisyon bangud verbal pa lamang ang nabatian sini kag wala sang balck and white nga nagapamatuod nga tubtub Hulyo 31 na lamang ini sa iya nga pwesto.
Suno kay Director Jaugan, indi niya luyag nga maghalin tubtub nga wala sang mapikaita kag maghatag sa iya sang memorandum nga nagapamatuod nga siya ang busaln sa iya ng pwesto.
Si pangulong Ferdinand Marcos Jr lamang suno pa ang makapahalin sa iya o kun makahatag sang madate nga magapabilin siya sa posisyon tubtub sa katapusan sini nga tuig.
Samtang ginpaklaro naman ni ARD Flora Gabunales nga siya na ang maga pungko nga Officer In charge sang DT12 bangud sa nabaton na sini ang mandato nga kinahanglan sang insakto nga transitio.
Apang bangud sa nagapanindugan nga magapabilin sa posisyon ang outgoing Regional Director, nakaangkon ini sang kinagamo kag nagkatensyon.
Dugang pa ni Gabunales, ginhimo niya lamang ang iya nga obligasyon nga pabalo kay Mr. Juagan nga tubtub Hulyo 31 2022 lamang ang efectivity sang posisyon bilang RD sang DTI12 kag kinahanglan suno pa nga ipasa sa iya ang mga obligasyon kag responsiblidad base sa mandato sang Undersecretary kag sang yara sa babaw.
Dugang pa ni Gabunales, indi naman tuman ka conflict ang natabo bangud isa lamang ini ka daw wala pagka intindihanay sang duha ka kampo.
Apang sa karon, naga duha duha pa sa gihapon kung sin o ang kilalahon nga Regional Director sang talatapan amo nga pati ang mga transakyon sa nasambit nga opisina ang apektado man.
