Tatay, nagapanawagan sang hustisya sa pag patay sa iya bata sa Barangay Buto, Tampakan, South Cotabato

Nagapanawagan sang hustisya ang tatay sang biktima nga natukiban nga wala na sang kabuhi sa bahin sang kabukiran sa Barangay Buto, Tampakan, South Cotabato.

Suno kay Rico Omas, tatay sang biktima, sa interview sang Bombo Radyo Koronadal, wala naglisensya ang iya bata nga mag-upod sa paghunting sang mga manok ihalas sa kabukiran sang nasambit nga barangay. Apang wala siya naghunahuna nga matukiban ang iya anak nga wala na sang kabuhi kag may igo nga pusil sa ulo.

Gani, nagasinggit siya sang hustisya sa mga otoridad kag nagpanawagan man siya sa mga persona nga yara sa likod sang kamatayon sang iya anak nga magsungka na sa mga otoridad.