Ginlunsar sang Task Force Baklas sang Commission on Elections (COMELEC) kag City Environment and Natural Resources Office (CENRO) ang operasyon sa pagkakas sang mga illegal nga campaign materials sa nagkalain-lain nga lugar sa siyudad.
Suno kay Augustus Bretaña, CENRO-Koronadal sa interview sang bombo radyo koronadal, ila ginsugod ang operasyon matapos hatagan sang abiso ang mga lokal nga kandidato, labi na ang may mga campaign materials nga ginbutang sa pribado nga lugar.
Suno saiya, dapat nga siguruhon nga may nagakaigo nga pagpasugot ukon lisensya halin sa tag-iya antes sila magpahamtang sang materyales sa pribado nga lugar.
Suno kay Bretaña. Ginpabutyag man niya nga ini nga tikang ang kabahin sang pagsigurado nga nagasunod ang tanan sa regulasyon nga ginpatuman sang COMELEC.
Ang Task Force Baklas, nga ginabuligan sang iban iban nga ahensiya, ang nagapadayon sang pagpangbaklas sang mga campaign materials nga wala nagasunod sa nagakaigo nga gidak-on kag lugar nga ginatugot sang layi. Sa mga pampubliko nga lugar, ginahingyo man ang mga kandidato nga magpabilin sa designated campaign areas agud malikawan ang pagpanglapas sa regulasyon.
Ginalauman nga magapadayon ang Oplan Baklas sa masunod nga mga inadlaw, labi na samtang nagapadulong na ang eleksyon, agud masiguro nga malinong kag patas ang pangabuhian sang kampanya sa siyudad
