KORONADAL CITY- Nagapadayon sa gihapon ang imbestigasyon sang Tacurong City PNP agud matumod kun ano nga grupo ukon sin-o nga indibiwal ang naghana nga magpasigabong sang Improvised Explosive Device (IED) sa lungsod ng Tacurong.
Suno sa Tacurong City PNP sa pagpanguna ni PSupt. Joefel Siason, ginbilin ang IED sa bahin sang General Lim st. sa National Highway sang nasambit nga syudad kun sa diin maayo na lamang kag may yara sang sibilyan nga nakatalupangod sang ginbilin nga eksplosibo kag gilayon nga nagpanugid sa mga otoridad.
Dugang pa nga kun sa tion nga nagsigabong ang IED, madamo ang mabiktima bangud may mga tawo sa palibot.
Gilayon naman nga ginresponderan sang Explosive Ordnance Team ng Joint Task Force Talakudong ang kginahamtangan sang IED kag ginkordon ang lugar kun sa diin gilayon ini nga gindetonate.
Sa karun ginbatak pa ang alert level sa Tacurong City kag sa iban pa nga mga banwa sa Sultan Kudarat bangud sa nasambit nga insidente.City ginhana nga pasigabungan sang IED
