KORONADAL CITY- Halos indi makalakat, puno sang pilas ang kalawasan kag nadulan sang 5 ka mga kabataan.
Ini ang sitwasyon ni Maylene Alagase, isa sa mga survivor sa malapnagon nga pagbaha kag pagguho sang lupa sa Brgy. Kusiong, Datu Odin Sinsuat, Maguindanao.
Sa nangin pahayag sa Bombo Radyo kay Mylene, ginpahayag sini nga napatay ang iya nga Nanay, Tatay, Bayaw, kag nadula pa sa gihapon tubtob sa karun ang iya isa ka tuig nga bata kag 3 ka bulan nga lapsag nga hinablos.
Ginlaragway man ni Maylene ang makakuraldumal nga panghilitabo, alas 2 sang kaagahon sang Byernes nga adlaw, October 28, 2022.
Ginkadtuan man sang Bombo Radyo Team ang Villa Funiral Home kung sa diin nakahaya ang halos 20 ka mga bangkay nga mga biktima sang pagbinahabaha kag pagguho sang lupa sa nasambit nga brgy kag lima diri ang mga kabataan.
Samtang, sa ginpahayag man ni Maguindanao Del Norte with Cotabato City Representative Bai Sittie Shahara “Dimple” Mastura, padayon man ang paghatag sang bulig sang mga leader ng Maguindanao sa mga pamilya nga apektado sang kalamidad//Suno naman sa report sang BARMM nga yara sa halos katunga nga million na ang mga indibidwalang naapektuha sang naglabay nga Bagyo nga Paeng sa Bangsamoro Region.
