KORONADAL CITY – Patay ang isa ka drug personality makaligad nga magbato sa mga otoridad samtang arestado naman ang 7 pa ka mga kaupdanan sini sa ginpatigayon nga joint anti-drug operation sang 6th Infantry Battalion, Philippine National Police kag Philippine Drug Enforcement Agency sang Autonomous Region in Muslim Mindanao (ARMM) sa Sitio Bliss, Barangay JAS, Malabang, Lanao del Sur.
Ginkilala ni Col Jesus Sarsagat, Commander sang 603rd Infantry Brigade ang napatay nga suspek nga si Nago Balindong, nga yara sa top watch list sang mga otoridad nga nakigbaslanay sang lupok sa raiding team rason nga naigo sang bala kag napatay.
Suno kay Col Sarsagat may 6 pa ka mga standing warrant of arrest sa kaso nga murder ang suspek.
Samtang, ang mga kaupdanan sini nga naarestar sang mga operatiba ang ginkilala kanday Baks Balindong, Tingaraan Boroboro kag 5 ka iban pa nga ginahibalo pa ang identity nga ginapatihan hugot nga supporters sang Maute terror Group.
Narekober sa mga suspek ang caliber 45 pistol, 2 ka hand grenades, sachet sang suspected shabu kag mga drug paraphernalia.
Sa subong, ginapreparar na ang kaso nga ipasaka batuk sa mga naarestar nga suspek.
