Natukiban sa isa ka siyentipiko nga pagtuon sa Australia ang isa ka sahi sang ‘superworm’ nga sarang magkaon sang plastic kaangay sang Styrofoam nga wala nagadugang ang timbang.
Ang nasambit nga superworm nga Zophobas morio ang gikan sa specie sang darkling beetle.
Suno sa microbiologist nga si Christian Rink, ginakodkod sang amu nga mga superworms ang “polystyrene ukon ang plastic nga ginahimu sa kadam-an nga mga produkto, kag dalayon nga gina-dunot sang mga microbes gamit ang enzymes.
Natukiban dugang nga makasarang ang bacterial enzyme sang superworm sa ila nga tiyan nga maka-kaon sang mga higku gikan sa plastic.
Ginatun-an na karon nga gamiton ini agud mapahagan-hagan ang basura ilabi na nga 10% lamang sang 7 bilyon nga naprodyuser nga plastic sa bilog nga kalibutan ang na-recycle.
