Indi mag duha-duha nga mag suspend sang klase si Sultan Kudarat Governor Datu Pax Ali Mangudadatu kun ginakinahanglan sa tion nga may maexperiensiyahan nga mga pagtay-og sa iya nga nasakupan agud nga mangin luwas ang mga estudyante.
Ini ang ginhatagan sang ligwa sang gobernador makaligad ang asud-asud nga mga pagtay-og nga na eksperyensiyahan sang probinsiya sang Sultan Kudarat partikular na sa mga banwa sang Kalamansig, Lebak kag Palimbang Sultan Kudarat.
Suno sa Gobernador, sa tion nga may mga maka-alarma nga mga panghitabo sa iya nga probinsiya sa diin mahimo nga magkompromiso sang safety sang mga residente indi ini magduha duha nga mag suspend sang klase biskan sa sulod pa sang isa ka bulan bangud suno sa iya, importante ang kabuhi kun ikumparar sa mga proyekto, assignments kag mga examinations.
Dugang pa sini indi na kinahanglan pa pag ibutang sang ital-ital ang ikaayu sang kabuhi sang mga manunudlo sa tagsa ka mga buluthuan sa tion sang kalamidad.
Madumduman nga senemana man nga naka-eksperyensiya sang serye sang pagtay-og sang probisya sang Sultan Kudarat sa diin apektado ang Kalamansig, Lebak kag Palimbang Sultan Kudarat.
Nagpasalamat man ang Gobernador bangud apisar pa sang linibo ka mga pagtay-og wala sang mga untowar incidents sa bug-os nga probinsiya sang Sultan Kudarat
