Ginbawian sang kabuhi ang isa ka suldado samtang pilason naman ang kaupod sini sa nagluntad nga pagpang-ambush sa bahin sang checkpoint sa Pagatin 1 village of Datu Salibo, Maguindanao del Sur.
Ginkilala sang mga otoridad ang napatay nga si Private Rosendo Gannaban samtang pilason naman kag nagapaayo sa balay-bulungan si Private First Class Lexter Lizardo.
Ginpahayag ni Orbon nga yara sa napulo ka mga armado ang nag-atake sa checkpoint sang 99th Infantry Battalion.
Ang mga ini ang ginapatihan nga mga katapo sang Bangsamoro Islamic Freedom Fighters (BIFF) ukon Daulah Islamiya Group.
Nag abot naman sa 20-30 ka mga military personnel ang gin-deploy sa mga checkpoints sang sila ang ginpaulanan sang bala sang mga suspek.
Nahibaluan nga ang mga army patrol base ang naga serbe nga control kag strategic point sang mga sundalo nga lakip sa mga humanitarian assistance kag relief operations sa mga ginbaha nga lugar malapit sa Datu Salibo.
Ang mga Army units ang kaupod sang Bangsamoro Rapid Emergency on Disaster Incidence (READi) kag mga lokal nga government units sa tion sang kalamidad labi pa nga naga responde ang mga ini sa mga naga kinahanglan.
Sa karon, nagasinggitan sang hustisya ang pamilya sang napatay nga suldado.
