SRA suportado ang pag-imbestigar sa pag-manipulate sang mga traders sa presyo sang kalamay

Nagpabutyag sang suporta ang Sugar Regulatory Administration (SRA) sa himuon nga imbestigasyon angut sa pag-manipulate sang mga negosyante sang kalamay.

Suno sa SRA , madamo sang mga negosyante ang nagamanipulate sang presyo para sila ang maka ganar.

Pahayag sang ahensya nga may bastante nga supply sang kalamay ang pungsod subong nga paskwa rason nga dapat wala sang ano man nga pagtaas sa presyo sang kalamay.

Ang kada kilo sang brown sugar ang dapat nagalambot lamang halin P65 tubtob P85 samtang ang puti nga kalamay ang P90 lang kada kilo.

Nakita man sang SRA nga gina-hingalitan sang mga negosyante ang sugar farmers rason nga naganubo ang ila nga sugar farmgate price.