Gindumilian sa karon nga magbyahe sa nagkalai-lain nga pungsod si South Korean President Yoon Suk Yeol.
Kasunod ini sa plano sang prosecutor nga pasakaan sang kaso nga insurrection bangod sa pagpatuman sini sang martial law sang nagligad nga semana.
Apang nakalikaw si Yoon sa impeachment vote sa parliamento nga ginpangunahan sang mga oposisyon nga indi giyapon sigurado ang iya posisyon sa karon.
Ginahingyo man sang mga kaalyado sini ang iya nga pagbuya sa pwesto.
Madumduman nga nagtuga sang ka-akig sa katawhan sang South Korea ang ginpagwa nga pagdeklara ni Yoon sang Martial Law kun sa diin nagalunsar sang pagboto ang mga members of parliament sa National Assembly building agud ipasadula ang bisa sang nasambit nga deklarasyon.
Matapos ang masobra ka anom ka oras ginbawi ni Yoon ang nasambit nga deklarasyon kag ini nagpangayo pasaylo sa iya katawhan.
