KORONADAL CITY – Nagapanawagan sang kooperasyon ang mga health officials sa mga pumuluyo sa bug-os nga rehiyon 12 agud malikawan ang paglapta pa sang covid-19 pandemic.
Ini makaligad ginbutang sa area of special concern ang probinsya sang South Cotabato kun sad iin ginakabig na suno pa ini sang iban nga sentro na sang covid-19 ang nasambit nga probinsya sa bug-os nga rehiyon.
Ginpahayag ni Integrated Provincial Health Officer Dr. Rogelio Aturdido Jr, nga ini bangud sa padayon nga pagsaka kag pagdamo sang mga kaso nga napagkit nga nagapositibo sa nasambit nga balatian.
Magluwas diri, napagkit man ang wala-tuo nga mga kaso sang local transmission sa mga kaiping nga banwa rason nga amat-amat nga nagapatuman sang lockdown ang mga local officials.
Una na nga ginkumpirmar sang opisyal nga yara na sa resurgence ukon 2nd wave ang probinsya sang South Cotabato bangud sa pagsaka na sang numero sang mga positibo sang covid-19.
Nagpaandam man ini sa mga pumuluyoo nga magapadayon ang pagsaka sang trend kun magapakatig-a ang mga ini nga magtuman sa basic health protocols.
