KORONADAL CITY – Ginpasiguro ni South Cotabato Police Provincial Director Senior Superintendent Franklin Alvero nga yara sa full alert status ang bug-os nga pwersa sang kapulisan sa probinsiya subong nga Holy Week.
Ini makaligad ang ginhimo nga pagsalakay sang mga rebelde nga NPA sa isa ka banana kag pineapple plantation sa banwa sang Tantangan, South Cotabato.
Suno kay Col. Alvero, kumpirmado nga NPA ang may kahimuan sang pagsalakay sa nasambit nga plantasyon kun diin ginadis-armahan pa nila kag ginahadlok ang guwardiya didto.
Nahibaluan nga sang nagligad nga adlaw pa nakabaton sang report ang kapulisan nga plano nga magpatigayon sang pag-atake ang mga rebelde sa probinsiya kadungan sang Holy Week.
Sa subong, maglywas sa nakahan-ay nga security measures sa mga simbahan, terminal kag matawo nga lugar subong nga Semana Santa, ginamonitor man sang kapulisan ang suno pa presensya sang mga rebelde sa nabukid nga bahin sang probinsya.
