KORONADAL CITY- Nakahanda ang South Cotabato PNP nga magpadala sang dugang nga tropa sa tion nga may mag ibwal nga tensyon angot sa resulta sang botohanay para sa ratipikasyon sang Bangsamoro Organic Law ilabi na sa Cotabato City.
Sa ekslusibo nga interbyu sang Bombo Radyo Koronadal kay PSSupt. Joel Limson, South Cotabato Police Provincial Director, una na sila nga nagdeploy sang 30 police personnel halin sa Provincial Command sang South Cotabato agud magbulig para magbulig sa pagpatuman sang seguridad sa Cotabato City samtang naka standby naman ang 70 ka police personnel nga preparado nga ideploy sa tion nga may mag ibwal nga kinagamo.
Nahibaluan nga ang Cotabato City ang isa sa mga kritikal nga lugar nga ginahiwatan sang plebisito.
Samtang sa pihak nga bahin nakamonitor man ang PNP sa mga napagkit nga insidente sang harassments kag posible nga diversionary tactics sang mga terorista kag rebelde nga grupo nga nagapamintaha sa kasakuon sang mga otoridad sa BOL plebiscite.
