KORONADAL CITY – Nakabaton ang probinsya sang South Cotabato sang P50 milyon gikan kay Pangulong Ferdinand “Bongbong” Marcos Jr. bilang kabahin sang presidential assistance para sa mga manguguma kag fisherfolks nga naapektuhan sang El Niño sa probinsiya.
Ang nasambit nga cheke ang personal nga ginhatag ni Pangulong Marcos kay Governor Reynaldo S. Tamayo, Jr., kadungan sang pagbisita sini sa General Santos City, subong nga adlaw sang Biyernes, Mayo 10, 2024.
Magluwas sini, yara man sa nilibo ka mga pamilya nga apektado sang tag-init nagikan sa siyudad sang General Santos kag Sultan Kudarat ang nakabaton sang tag-10 mil pesos nagikan kay Pangulong Marcos.
Nagpromisa man ang pangulo nga igapadayon ang pagbulig sa mga nagakinahanglan ilabi na sa tuman nga epekto sang dry spell sa sektor sang agrikultura, palaisdaan kag iban pa.
