Nagsulod na sa bag-o nga yugto ang digmaan sa Middle East matapos ang mga pag-atake sa mga importante nga pasilidad sang enerhiya, nga nagahatag sang kahangawa sa pangkalibutanon nga ekonomiya kag seguridad.
HUmalin Pebrero 28, naglunsyar sang pagpangbomba ang Estados Unidos kag Israel batok sa Iran, nga nagresulta sa epekto sa mga pasilidad sang petrolyo kag gas, ksubong sang South Pars gas field sang Iran kag mga refinery sa Kuwait kag Qatar.
Ang tensyon nakaabot na sa Caspian Sea, kun sa diin gintarget sang Israel ang mga barko nga pangmilitar sang Iran.
Samtang, nagguwa ang pagsaka sang presyo sang gatong sa pangkalibutanon nga merkado bangud sa de facto blockade sang Iran sa Strait of Hormuz, nga nagresulta sa masobra 50% nga pagsaka sa presyo sang North Sea Brent crude, nga nagsobra na sa $105 kada bariles.
Bangud sini, ginapaabot nga magasaka ang presyo sang gatong, kuryente, kag iban pa nga baraklon sa mga pungsod nga nagasalig sa imported nga enerhiya, lakip na ang Pilipinas.
