KORONADAL CITY – Naging malinong ang selebrasyon sang Eid’l Fitr sa probinsya sang South Cotabato ini ang tatlong nga adlaw nga engrandeng selebrasyon, pangamuyo kag pasalamat ang sentro sang opisyal nga pagtapos sang balaan nga bulan sang Ramadan, kag malipayong ginaselebrar sang mga kapatid nga Muslim ang Eid’l Fitr.
Sa interview sang Bombo Radyo Koronadal kay Abdul Rauf Decampong, isa ka Elder sang Muslim community sa South Cotabato, ang Eid’l Fitr isa sa pinakaimportante nga selebrasyon sang mga Muslim.
Ang Eid’l Fitr isa ka pagtakop sa pagpuasa nga naga-last sang 29 tubtob 30 ka adlaw.
Ini isa ka pagsulod sa pagpasensya, disiplina, kag pagsunod sa mga sugo ni Allah.
Ang selebrasyon ginahimo paagi sa pagsaulog sang pagkaon kag pagbisita sa mga kapamilya.
Suno kay Decampong, ang Eid’l Fitr indi lang isa ka selebrasyon, kundi isa ka pagpahayag sang pagtuo, paghiusa, kag pasalamat.
Gin-awhag man niya ang tanan nga ipadayon ang espiritu sang paghiusa kag pagsuporta sa komunidad.
Sa sulod sang tatlo ka adlaw nga selebrasyon, may mga pamilya nga nagaselebrar paagi sa pag-adto sa dagat ukon pagbakasyon.
Ang Eid’l Fitr isa ka tion sang pagbinuligay, pagpakita sang gugma, kalinong, kag pagkahiliusa.
