KORONADAL CITY – Ginpahugtan pa sang kapulisan ang seguridad sa South Cotabato batok sa pamahog sang Maute-ISIS Group.
Suno kay South Cotabato PNP Provincial Director, Police Senior Superintendent Nestor Salcedo, gindoble nila sa subong ang ila intelligence monitoring batok sa Maute-ISIS group.
Ini agud mabalabagana ng pagsulod sa probinsya sang nasambit nga terorista nga grupo makaligad mapatay sang mga pulis ang sno pa bomber sang Maute-ISIS Group kag naarestar ang isa pa nila nga kaupdanan sa General Santos City sang tinalikdan nga semana.
Dugang pa sang opisyal, kalakip sa pagpahugot nila sang seguridad amo ang pagpalapta sang dugang nga mga pulis sa mga pampubliko nga mga lugar.
Kaangot sini, lauman suno pa sang publiko ang mas hugot nga check point sa mga nagapanguna nga dalanon pasulod kag pagguwa sang probinsya.
