Padayon ang pagdeploy sang mga militar sa mga boundaries sang kada probinsya bilang pagbantay sa seguridad sa pagselebrar sang mga Kristiyano sang Semana Santa.
Ini ang nangin pahayag ni Lt.Col. Ronald Suscano – Spokesperson, 6th Infantry Division – Philippine Army, sa interview sang Bombo Radyo Koronadal.
Suno kay Suscano, hugot nga nakamonitor ang katapos sang Philippine Army ilabi na ang 6th Infantry Division agud masiguro nga malinong nga igaselebrar sang mga Kristiyano ang balaan nga bulan sang Semana Santa.
Hugot man nga nagapatigayon sang checkpoint operations ang mga otoridad ilabi na sa mga lugar nga masami alagyan sang madamo nga salakyan agud malikawan ang bisan ano nga krimen ukon insidente sa bug-os nga rehiyon.
Bangud sini, ginpasiguro man ni Suscano sa publiko nga padayon ang ginapatigayon nga monitoring sang mga otoridad sa mga probinsya agud luwas kag malinong ang selebrasyong sang Semana Santa.
