KORONADAL CITY- Liwat nagpagwa sang pagpaandam subong nga adlaw ang Securities and Exchange Commission batuk sa Kabus Padatoon Community Ministry International Inc.
Ini angot sa disinformation campaign sang non-stock kag independent religious corporation nga gina akusaran nga nagapadalagan sang fraudulent investment scheme sa Mindanao kag sa iban pa nga mga lugar sa Pilipinas.
Base sa ginpagwa nga statement sang SEC, nakamonitor sila sa mgapeke nga impormasyon kag false claims nga ginapalapta sang KAPA sa social media mangin man sa radyo nga nasecure na suno pa nila ang necessary licenses agud sila ang maka resume sang operasyon.
Gin insister man sang SEC nga wala sang kamatuoran ang mga ginapahayag sang KAPA ilabi na ang mga frontliners sini sa social media kag radyo nga magapanumbalik ang ila operasyon kag ginpaandaman nga magapanabat ang mga ini sa laye.
Kaangot sini sa una na nga interbyu sang Bombo Radyo Koronadal kay National Bureau of Investigation o NBI 12 Director Olivo Ramos, una na sini nga ginpahayag sa Bombo nga nagapadayon ang imbestigasyon sa mga kaso nga ginapangatubang sang founder sang KAPA nga si Joel Apolinario kag CEO nga si Reyna Apolinario nga nagapadayon sa pagpanago tubtob sa karon.
Ginalauman man nga sa magasunod nga mga inadlaw, posible makapagwa na sang warrant of arrest.
