Ginapangita sa karon ang isa ka Seagull kag ginakabig nga wanted matapos nga nangin prime suspect sang isa ka lalaki sa Massachusetts sa pagkuha sang wallet sini sa guwa sang grocery store.
Si Noah Karberg sang Nantucket ang handa nga maghatag sang reward sa sin-o-man nga makadakop sa wanted nga Seagull.
Sunio kay Noah, ginbutang niya ang iya wallet kag telepono sa tray sang shopping cart samtang nagabutang sang groceries sa iya truck.
Pagbalik niya, nakita niya nga may seagull na nga nagkuha sang iya wallet kag naglupad.
Nakuha niya ang video sang seagull nga nag-snatch sang wallet sa ibabaw sang salakyan sini.
Nagala-ot naman sa $100 (P5,600) ang reward para sa sin-u-man nga makabalik sang wallet sini nga may importante nga lisensya, kag mga cards.
