Naglunsyar sang airstrike ang Saudi Arabia batok sa mga Houthi rebels sa port city sang Hodeida kag sa isa ka malapit nga isla sa Yemen, kasunod sang anunsyo sang grupo nga ipatuman nila ang maritime blockade kag pag-atake sa mga barko sang Saudi.
Suno sa media nga ginadumalahan sang Houthis, nagluntad man sang missile strike ang Yemen nga nagresulta sa sunog sa syudad sang Jizan sa Saudi Arabia.
Apang wala pa sang opisyal nga impormasyon kun may napailsan ukon napatay sa insidente.
Sa pihak nga bahin, nagpahayag ang militar sang Estados Unidos nga ila ginpalukpan kag ginpauntat ang pagbiyahe sang isa ka tanker ship sa Gulf of Oman matapos ini kuno nagtinguha nga makalikaw sa blockade sang U.S. batok sa mga pantalan sang Iran.
Ang barko nga ini amo ang ikaduha nga commercial vessel nga gin-disable sang Estados Unidos halin sang liwat nga pagpatuman sang blockade sa sayo nga bahin sang Hulyo.
Padayon ang tensyon sa rehiyon samtang nagapadayon ang mga operasyon militar sang mga nagkalain-lain nga grupo sa nagalala nga sitwasyon sa Middle East.
