Maga-atubangay sa finals sang Indian Wells Open ang World No. 1 nga si Aryna Sabalenka kag World No. 3 nga si Elena Rybakina.
Nakuha ni Sabalenka ang kadalag-an kontra kay 14th seed Linda Noskova sa score nga 6-3, 6-4, agud mag-abanse sa ulihi nga lebel sang torneo.
Samtang, nakalab-ot man si Rybakina sa finals matapos magdaog kontra kay Elina Svitolina sa semifinals, 7-5, 6-4.
Una nga nag-atubangay ang duha ka magkaribal sa finals sang Australian Open sang nakaligad nga bulan, nga nagdaog si Rybakina batok kay Sabalenka, ang top player sang Women’s Tennis Association.
Ang pagkalutos ni Sabalenka sa nasambit nga torneo amo ang iya lang una nga kalutusan niya subong nga tuig 2026.
May oportunidad si Sabalenka nga maghimo sang pagbalos kag bag-uhon ang iya rekord sa Indian Wells finals, nga sa subong wala pa siya nakadaog (0-2).
Sa ila head-to-head record, may 8 nga kadalag-an si Sabalenka sa 15 nga pagpakigbato nila. Samtang si Rybakina may tsansa nga itabla ini sa all-8 kon siya ang magdaog sang Indian Wells title subong nga 2026.
