Tumong sang clearing operation ang pagplastar sang limpyo kag maayo nga dalan para sa mga pumuluyo kag motorista.
Ini ang nangin pahayag ni Terrence Ehemplar – Punong Barangay sang Brgy. Topland, Syudad sang Koronadal, sa interview sang Bombo Radyo Koronadal.
Suno kay Ehemplar, tumong sang operasyon iplastar sang maayo ang mga vendor kag mga motorista pinaagi sa pagsunod sa layi.
Ginpahayag man niya nga kinahanglan ipatuman ang operasyon agud mahatagan man sang liway ang mga proyekto sa barangay partikularmente malapit sa sapa.
Samtang, nagpasalamat man si Ehemplar sa presensya kag bulig sang Task Force Kaayusan at Kalinisan sa nasambit nga clearing operation.
Nagpalab-ot man sang pagpasalamat si Ehemplar sa mga katawhan, partikularmente sa mga vendors sa ila pag-intindi sa pagpatigayon sang clearing operation sa barangay Topland.
