KORONDAL CITY – Hugot nga nagpaandam ang pamunuan sang Department of Interior and Local Government (DILG-12) sa sin-u-man nga indibidwal nga likom nga nagapasulod sang mga tawo sa rehiyon gikan sa mga ginakabig nga COVID highly infected areas sa pungsod.
Sa eksklusibo nga interbyu sang Bombo Radyo Koronadal kay DILG 12 Information Officer designate Arthur Condes, ginpahayag sini nga may nagpalab-ot sa ila sang impormasyon sa nagluntad nga “smuggling of people” pasulod sa rehiyon nga wala ginapaidalom sa quarantine.
Kaangot sini, magapatigayon sang imbestigasyon ang ila nga talatapan agud nga masiguro nga wala sang may makasulod sa rehiyon nga wala mahibaluan sang mga LGU’s.
Ginaistudyuhan man sa karon ang igapahamtang nga sanction sa sin-u-man nga mapamatud-an nga nagahimo sini.
.
