KORONADAL CITY- Tigayon na nga ginkilala bilang kampeon sa patag sang hinampang nga Arnis sa nagapadayon nga Palarong Pambansa 2017 ang mga atleta halin sa Rehiyon 12.
Sa interbyu sang Bombo Radyo Koronadal kay Coach Ryan Muyco nga ginpatigayon ang awarding para sa Arnis elementary kag highschool level makaligad mapagkit nila ang 9 ka bulawan nga medalya sa hinampang.
Nahibaluan nga nabreak sang mga atleta halin sa Tacurong City Division ang record para sa gold medals kun sa diin sa 9 ka mga medalya, ginapabugal nga naglab-ot sa 3 ka mga gold medals ang nadag-an ni Jeko Jann Heyres sa Elementary Boys Individual Single weapon, mixed weapon kag team single weapon sa Arnis.
Sa subong yara na sa 23 ang bulawan nga medalya sang Rehiyon 12 kag yara sa ika-tatlo nga pwesto kun sa diin na break sini ang anay ranking sang Palarong Pambansa 2016 nga yara sa ika 7 nga pwesto.
Ginalauman nga mangin consistent na ang pwesto sang Region 12 tubtob sa pagtakop sang Palarong Pambansa 2017.
