KORONADAL CITY- Ginkumpirmar sang Koronadal City PNP ang recruitment sang notoryus nga grupo nga SUKARAP sa siyudad sang Koronadal.
Sa interbyu sang Bombo Radyo Koronadal kay P/Supt Jodelito Guisinga, OIC sang Koronadal City PNP nga nagtuga sang pagka-alarma ang pagsulod sang grupo nga SUKARAP ukon sunog, sugal, suyop, kawat kag rape sa siyudad nga nagikan sa General Santos kag Davao City.
Matapos makumpirmar ang presensya sang grupo sa Koronadal gilayon nga nagpatigayon sang operasyon ang Koronadal City PNP kun diin nakumpiskar sa mga kabataan ang armas kag pila ka kagamitan nga ginagamit sang mga ini sa pagpatigayon sang kalakasan.
Ginkaalarma man sang kadam-an bangud lunsay mga menor de edad ang myembro sang mga ini.
Samtang, hugot ang pagbantay naman sang PNP sa mga dalanon batuk sa nasambit nga grupo.
Ginpasiguro man ni P/Supt Guisinga nga may tikang na sila nga ginahimo agud nga matapna ang grupo nga ini.
