Patay ang isa ka radio technician, samtang nagapaayo sa karon ang driver kag pasahero sang isa ka tricycle matapos nagluntad ang isa vehicular accident sa bahin sang Barangay Maltana, Tampakan, South Cotabato pasado alas 9:00pm sang gab-i sang Sabado, Agosto 16, 2025.
Ginkilala ang napatay nga si Hilario Abalunan, 57-anyos, radio technician sang Good Vibes radio Koronadal nga residente sang Brgy. Maltana, Tampakan.
Base sa imbestigasyon sang kapulisan, gilayon nga nagsulod sa pihak nga linya ang motorsiklo ni Abalunan kag nabunggo sa kasugata nga tricycle nga ginamaneho ni alias “Tony”, 30 anyos kaupod ang pasahero sini nga si alyas “Juv” 23-anyos.
Tungod sini, nag-angkon sang grabe nga pilas ang mga ini.
Gilayon naman nga gindala sa balay bululngan ang mga naimbolbar sa aksidente apang ginbawian na sang kabuhi si Abalunan.
Sa karon padayon ang ginahimo nga imbestigasyon sang kapulisan sa nasambit nga vehicular accident.
