Ginalantaw sang quad committee sang Kamara de Representantes ang posibilidad nga pagpatigayon sang hearing sa Davao City, ang balwarte ni anay PRRD, nga una na nga naulamid sa isyu sang extra-judicial killings.
Suno kay Surigao del Sur Rep. Johnny Pimentel, ini kasunod man sang padayon nga pagpamalibad ni Duterte nga magtambong sa hearing sang komite.
Suno sa Kongresista,liwat nga magapadala ang komite sang imbitasyon kay Duterte kag kon indi ini magtambong,posible nga dal-on sang quad comm ang hearing sa mismo balwarte sang anay Presidente.
Pagklaro ni Pimentel, wala ginapilit sang komite si Duterte nga magtambong apang tuyo lamang sang mga miyembro nga mahatagan sang nagakaigo nga oportunidad ang anay presidente nga klarohon ang iya pangalan nga makapila ka beses nga gin-ulamid sang mga testigo
