KORONADAL CITY – Tigayon na nga ginhilway sang mga otoridad ang pulis nga nagtapungol-patay sa iya nga tiayon sa siyudad sang Koronadal.
Sa interbyu sang Bombo Radyo Koronadal kay Police Lt. Reynaldo Sotelo, Chief of Investigation sang Koronadal PNP, naresolbar ang kaso ni PCpl. Edwin Habagat nga parricide pinaagi sang inquest resolution makaligad ang pagpakig-areglo sang mga pamilya ni Habagat kag pamilya sang biktima kag asawa sini nga si Davy Joy.
Apang ginpaathag man ni Sotelo nga temporaryo lamang ang kahilwayan sini bangud nagapadayon sa gihapon ang imbestigasyon nila batok kay Habagat.
Kun madumdoman nga nagsungka si Habagat sa mga otoridad makaligad ang makapila ka beses nga ginsakit ang iya asawa nga nagresulta sa pagkasakit sang ulo, pagkalipong kag pagkapatay sini sang nakaligad nga semana.
