KORONADAL CITY- Nagapadayon sa karun ang imbestigasyon kaangot sa nagluntad nga pagpangluthang sa isa ka pulis sa syudad sang Koronadal.
Sa impormasyon halin sa Koronadal City PNP, ginkilala ang biktima nga si PO1 Diamond Mateo Muega, 34 anyos, warrant officer sang Koronadal City PNP kun sa diin nagapatigayon ini sang surveillance operation sa Abrenica st. Brgy. GPS Koronadal City batuk sa isa ka wanted person sang nagluntad ang insidente.
Suno sa isa sa mga residente sa lugar, nakabati na lang suno pa sila sang asud-asdo nga lupok sang armas luthang kag nasapwan nalang nga nagahamyangon si PO1 Muega kag puno sang dugo.
Gilayon naman nga gindangat sa balay bululngan ang biktima apang wala na ini nahingagaw pa bangud sa igo sang bala nga naangkon sini sa nagkalain-lain nga bahin sang iya nga lawas.
Nahibaluan nga makaligad ang pagpangluthang sa pulis, gilayon nga nagpalagyo ang suspek sa wala mahibaluan nga direksyon sakay sa isa ka motorsiklo.
Posible nga may kaangtanan sa trabaho ang motibo sa pagpatay sa nasambit nga pulis.
