Nagpadala ang Police Regional Office 12 (PRO 12) sang dugang nga puwersa nagikan sa Special Electoral Boards (SEBs) agud nga suportahan ang luwas, malinong kag hapsay nga pagpatigayon sang 2025 National and Local Elections sa mga Special Geographical Areas (SGAs) sang Bangsamoro Autonomous Region in Muslim Mindanao.
Ginpangunahan ni PBGen Arnold P Ardiente, Regional Director sang PRO 12, ang send-off ceremony sa Provincial Capitol Grounds, Amas, Kidapawan City.
Nagtambong man sa seremonya sanday Pcol Nathaniel G Villegas, Deputy Regional Director for Operations; Pcol Gilberto B Tuzon, Provincial Director ng Cotabato Police Provincial Office (CPPO); mga Provincial Directors; kag ang City Director sang General Santos City Police Office (GSCPO), lakip na ang mga matag-as nga opisyal sang PRO 12.
Gindesignar man ang augmentation team sa mga pili nga lugar sa BARMM lakip na ang ginatumod nga election hotspots, bilang parte sang mas ginpasangkad pa nga tikang sang Philippine National Police (PNP) agud nga masiguro ang integridad kag seguridad sa piniliay.
Ginpahayag man ni PBGen Ardiente nga bug-os ang puwersa sang PRO 12 kag naka-alerto ang mga ini sa nagahilapit nga pinili-ay.
