-- ADVERTISEMENT --
Napilitan nga magpasaka sang presyo sang ila mga tinapay ang mga bakery sa pungsod bangud sa padayon nga pagtaas man sang presyo sang mga ingredients sa kaangay sang harina kag kalamay.
Ang iban nga bakery ang nagpasaka sang ₱0.50 sa pandesal samtang ₱1.00 naman sa iban nga sahi sang tinapay.
Suno sa presidente sang Panaderong Pilipino nga si Chito Chavez, ang padayon nga pagsaka sang presyo sang mga ingredyente ang isa sa mga rason kun ngaa nagpasaka sang presyo sang tinapay ang mga panadero.
Magluwas naman sa kinagamo sa tunga sang Russia kag Ukraine, isa man sa rason kun ngaa nagtaas ang presyo sang harina kag kalamay amo ang pagnubo sang baylohanay sang piso batuk sa dolyar.
