Posible nga maglab-ot sa P165 ang presyo sang regular diesel, samtang ang premium diesel mahimo magdangat sa P170 kada litro sa masunod nga semana. Ini nga pagtaas ginahalinan sang mga trading movements sa Mean of Platts Singapore (MOPS) sa mga adlaw halin Marso 30 tubtub Abril 2.
Suno sa mga nagatan-aw sa industriya sang langis, kun magsunod ang presyo sa kasamtangan nga trend, ang diesel mahimo magtaas sang P17 tubtub P19 kada litro.
Sa pihak nga bahin, ang presyo sang gasolina, ginapaabot nga magtaas sang P3 tubtub P5 kada litro. Kung matabo ini, magadangat sa P120, P117, kag P110 kada litro ang presyo sang super premium, premium, kag regular nga gasolina, suno sa mga eksperto.
Gin-aprubahan sang Department of Energy ang masunod nga mga adjustment sa presyo sang mga fuel retailers para sa Marso 31 tubtub Abril 6:
- Diesel: P14 kada litro
- Gasoline: P2.90 kada litro
- Kerosene: P2.50 kada litro
