KORONADAL CITY –Nagpalab-ot sang reklamo sa Bombo Radyo ang utod sang isa ka preso makaligad mabiktima suno pa ang utod sini sang pagpanghulga sa sulod mismo sang presuhan sang isa ka myembro sang Lake Sebu PNP.
Sa ekslusibo nga interbyu sang Bombo Radyo Koronadal kay Inyong Sumangkay, 4 ka adlaw na nga napreso ang iya utod bangud sa kaso nga frustrated murder apang sang yara na ini sa presuhan, isa ka SPO1 Dener Rufino ang nagahulga sa preso kasubong sang pagpanaya sa iya sang cal. 45 nga armas luthang samtang gina alegar nga hubog ang nasambit nga pulis.
Nagresulta suno pa ang pagpanghulga sa pagka highblood sang preso rason nga gindangat ini sa balay bululngan.
Samtang hugot naman nga ginpanginwala ni Police Senior Inspector Rene Dale Cairel hepe sang Lake Sebu PNP nga indi suno pa matuod ang akusasyon sang pamilya Sumangkay sa baylo ginbuligan suno pa sang PNP ang preso sang gin atake ini sang iya nga highblood.
Sa karun ginsaylo na sa kustodiya san South Cotabato Provincial Jail ang nasambit nga preso.
