Nagmando si President Lee Jae Myung sang South Korea sang seryoso nga disciplinary action batuk sa mga opisyal nga responsable sa pagpabaya sa pag-recover sang mga lawas sang mga biktima sang 2024 Jeju Air crash nga nagkamatay sang 179 ka tawo.
Nagpahayag si Lee sang tuman nga paghinulsol kag nagpasalig sang kooperasyon sa padayon nga imbestigasyon, nga nagluntad matapos nadiskubrehan nga siyam ka bahin sang lawas sang pito ka biktima ang nakuha masobra isa ka tuig pagkatapos sang aksidente.
Gintugyan niya sa mga otoridad nga imbestigaran kun ngaa ang mga lawas, kaupod ang 648 ka personal nga gamit kag 155 ka debris, ginpabay-an sa open storage area sa madugay nga tion.
Nagpangayo sang pasaylo ang Transport Ministry bangud sa pagka-late, samtang ang mga pamilya sang mga biktima nagpakita sang kalain kag nag-demand sang accountability sa gobyerno sa indi maayo nga pag-atipan sang mga lawas kag gamit.
