Populasyon sang kanding mas madamo pa kumparar sa tawo sa Italy

Mahilig ka bala magkaon sang bisan ano nga luto sang kanding? Tsansa mu na ini agud magpadulong sa Italy.

Bangud sa karon, ginakabig nga daku nga problema sa Alicudi, Aeolian archipelago sang Sicily sa Italy bangud sa nagadamo nga populasyon sang kanding.

Suno kay City Mayor Riccardo Gullo, padayon nga nagataas ang populasyon sang kanding kumparar sa tawo sa bug-os nga syudad.

Mahibaluan sa nasambit nga isla may yara lamang sang kapin 100 ka residente samtang masobra 600 naman ang nagakabuhi nga kanding.

Agud masolusyunan ang krisis, ginlunsyar ni Gullo ang ‘adopt-a-goat program’ nga nagahatag sang libre nga kanding kun sin-o man ang makadakup sini.