KORONADAL CITY – Ginasalakay sang isa ka Isuzu Van truck ang PNP checkpoint sang Regional Mobile Force Company (RMFB) 12 sa national higway,Barangay Concepcion Koronadal City alas-3:10 Domingo sang kaagahon.
Sandig sa report sang mga otoridad, natulugan ang driver sang truck rason nga nasalakay sini ang ckeckpoint kun diin dyutayan na lamang mabungguan ang nagabantay nga pulis, maayo na lamang kay nagalikaw ini.
Ginkilala ang driver sang truck nga si Jovell Villota, 30 anyos kag residente sang Agdao, Davao City.
Nagikan suno pa ang truck sa banwa sang Tupi padulong sa siyudad sang Koronadal sang pag-abot sa lugar natulugan ang driver gani nasalakay sini ang PNP checkpoint.
Bangud sa kabaskog sang impact sang pagkabunggo sang truck, nawasak ang checkpoint tent kag singnage.
Gilayon naman nga gin-turn-over sa City traffic section ang driver sang truck.
