KORONADAL CITY- Apektado sang pagbaha ang pipila ka mga barangay sang Koronadal makaligad ang wala untat nga pagbuhos sang ulan nga naeksperyensyahan sa lugar dala naman sang Low Pressure Area (LPA).
Ini ang ginpahayag ni Mr. Cyrus Urbano, ang City Disaster Risk Reduction and Management Officer sang Koronadal, sa interbyu sang Bombo Radyo Koronadal.
Suno sa iya, ang mga barangay nga nangin apektado sang baha kagab-i amo ang Brgy. Sto. Nino kag padayon ang monitoring bangud wala pa naghugpa ang pagbaha sa pipila ka panimalay sa Brgy. Sta. Cruz.
Suno sa iya, nagdeklara sang class suspension ang eskwelahan sang Crossing Diaz, bangud padayon sa gihapon ang pagbaha nga ila naeskperyensyahan.
Gindugang pa sini nga sa karon, padayon ang ila nga monitoring para mahibaluan kung luwas sa mga namensyonar nga mga barangay may yara pa bala sang mga naapektuhan.
Padayon naman ang pagpanawagan sang nasambit nga opisyal sa tanan nga mga pumuluyo nga maghalong bangud sa padayon nga naeksperyesnyahan nga malain nga panahon.
