KORONADAL CITY – Nagapati ang pamilya sang isa ka pinay nga napatay makaligad nga nabungguan ini sa Dubai Hills,UAE nga may foul-play ang natabo sa biktima.
Ini ang nangin kumpirmasyon sa Bombo Radyo Koronadal ni Ms. Annie Pineda, OFW Focal Person sa Provincial Government sang North Cotabato.
Suno sa iya, ang nasambit nga OFW ang ginkilala kay Gina Sorianosos, 48 years old , pulo na katuig sa Dubai, kag tumandok sa Brgy Pulang Lupa, M’lang, North Cotabato.
Ginpahayag sini nga ang pamilya sang nasambit nga biktima ang nakig angot na sa ila nga talatapan agud nga makapauli na ang patay nga lawas ni Gina sa pungsod.
Nahibaluan, nga nabudlayan pa sa una ang pagproseso sang mga papeles kag dokumento sa OFW bangud sa pabag o-bag o nga emplyer sini nga nagresulta nga ang iya nga Visa ang Tourist pa lamang.
Apang bangud sa bulig sang OWWA kag sang iya nga agency, gilayon nga naasikaso kag ginahulat na lamang ang isa ka himata sini nga makapadulong sa Dubai agud personal nga makuha ang patay nga lawas sini.
Sa karon, apisar nga budlay pa man batunon sa pamilya ang panghilitabo, bangud una pa lang naga-duha-duha ang mga ini nga kung basi may foul play sa aksidente.
Apang naguwa sa imbestigasyon nga nagtabok ang nasambit nga OFW sa isa pedestrian lane sang hinali nga nabungguan ini sang salakyan nga ginadrayban sang isa ka Palestinian.
Nagpromisa naman ang nakabangga nga sila ang handa magtanyag sang bulig agud nga makapauli man ang patay nga lawas ni Gina sa ila nga lugar.
