-- ADVERTISEMENT --
Handa ang gobyerno sang Pilipinas nga ibanan ukon kuhaon ang taripa sa pila ka produkto halin sa Amerika.
Suno kay Finance Secretary Ralph Recto, ini nga tikang ang sabat sa 20% nga taripa nga ginpataw ni US President Donald Trump sa mga produktong Pilipino.
May plano man ang mga economic managers nga magkasugot sa US. Wala pa klaro kun ano nga produkto ang apektado.
Ara subong sa US si Presidente Ferdinand Marcos Jr para makigpulong kay President Trump, kag isa sa pagahisgutan amo ang isyu sang taripa.
