KORONADAL CITY-Ginpaidalom sa subong sa strikto nga survaillance kag monitoring sang South Cotabato Provincial Veterenarian ang pila ka barangay sa 2 ka banwa sa South Cotabato bangud nalakip ang mga ini sa 1 kilometer radius sa mga lugar sa Tacurong city nga una na nga infect sang Avian Influenza ukon Bird Flu.
Ini ang nangin pahayag ni Byron Dela Cruz, Veterenarian IV-PVET.
Suno sa iya, 2 ka mga banwa ang apektado sang nasambit nga 1km. radius nga mandatoryo nga iga monitor sandig man sa Avian Influenza Protection Plan (AIPP), ang nasambit nga mga banwa amu ang Tantangan sa diin ang mga barangay nga sulod sa raduis amu ang Magon kag Mangilala, lakip man ang 5 ka barangay sang banwa sang Norala nga ginakalakipan sang Matapol, Tinago,Dumaguil,Liberty kag Poblacion.
Suno sa opisyal ang nasambit nga mga lugar ang istrikto nga paga monitoron para mapunggan ang posible nga paglapta sang balatian bangud prone ang mga lugar nga ini bangud sakop sila sang 1km radius nga dapat panilagan.
Mag luwas pa diri,Nagtalana naman sang restriksyon ang South Cotabato sa hulag sang mga domestic fowls paguwa ukon pasulod man sa probinsya, para naman sa commercial ducks, naga kinahanglan sang mga ini nga magpresentar sang mga rekistos nga maga pakita sang pamatoud nga luwas ang mga ini. Ginpaathag man sini nga sa subong nga tion, negatibo pa ang presensya sang balatian sa South Cotabato
Matandaan nga una na nga nag positibo sa bird flu ang 2 ka barangay sa Tacurong kag gina kontrol na sang nasambit nga LGU.
