KORONADAL CITY- Nagpatunga na ang mga otoridad sa nagalala nga tensyon sa banwa sang T’boli, South Cotabato matapos ang pagbarikada sang mga katutubo batuk sa pamunuan sang isa ka banana plantation.
Sa impormasyon, wala sa gihaon naga untat ang mga Tboli tribe sa pagpatigayon sang hublag protesta kag ilabi pa nga ginkaakig ang w ala suno pa pag atubang sa ila sang pamunuan sang SUMIFRU banana plantation.
Madumduman nga madugay na suno pa nila nga ginahangyo nga baydan sila sa land rentals nga P10,000 kada tuig nga wala nahatag sang pila na ka tuig ang nagligad.
Kaangot sini, may pila na suno pa sa mga lumad ang ginpang utod ang tanum nga saging sa tuman nga kaakig rason nga gin arestar sang T’boli, PNP.
Sa interbyu sang Bombo Radyo Koronadal sa mga land owners, nagpanindugan ang mga ini nga indi sila mag untat tubtub nga indi mahatag sa ila ang ila nga demand sa kumbyuhan sang saging.
