Ginpasaka sang Philippine Institute of Volcanology and Seismology (PHIVOLCS) ang Bulkang Bulusan sa Alert Level 1 nitong Domingo matapos makapagkit sang asod asod nga volcanic earthquakes sa nakaligad nga mga adlaw.
Ang Alert Level 1 nagabuot silingon nga ang bulkan yara sa estado sang “low-level unrest,” nga may posibilidad sang mga phreatic ukon steam-driven eruptions.
Ini ginreport sang PHIVOLCS nga nakatala sila sang 475 volcanic earthquakes sugod Marso 15, kadam-an sini mga mahinay nga volcano-tectonic earthquakes nga resulta sang paglitik sang mga bato sa nubo nga bahin sa idalum sang bulkan.
Ginkumpara ini sa seismic activity nga nakita antes sang mga pagsabog sang Bulusan sang Hunyo 2022 kag Abril 2025.
Luwas sa mga pagtay-og, may nakita man nga pag-umbok ukon inflation sa kanlurang bahin sang bulkan umpisa sang katapusan nga linggo sang Enero kag sa timog-silangang bahin sang Marso 2026.
Nagasugid man ang PHIVOLCS nga ang degassing activity halin sa mga aktibo nga baba nagpabilin nga mahina tubtob katamtaman.
Napagkit ang sulfur dioxide (SO2) emission nga 91 tonelada kada adlaw sang Marso 17, nga mas manubo kumpara sa normal nga lebel.
Suno sa PHIVOLCS, ang kumbinasyon sang mga aktibidad nga ini mahimo magpahamtang sang posibilidad sang hinali nga paglupok sang singaw sa baba sang buklan.
Ginpaalintonan nila ang mga lokal nga pamahalaan kag residente nga likawanang pagsulod sa 4-kilometro nga Permanent Danger Zone (PDZ) sa palibot sang bulkan.
