Naglunsad sang sarili nga imbestigasyon ang Philippine Army angkot sa Army reservist nga miyembro sang Angels of death.
Sa pagsinapol sa Kampo Aguinaldo kahapon, ginsiling ni Philippine Army spokesperson Col. Louie Dema-ala nga sa ila sarili nga internal investigation, wala pa sila sang natukiban nga reservist nga sangkot sa armado nga grupo ni Kingdom of Jesus Christ (KOJC) leader Pastor Apollo Quiboloy.
Ginpasiguro ni Dema-ala, sa oras nga nahibal-an nila nga may naulamid nga army sa nasambit nga kaso wala na sila nagduwaduwa nga pasakaan sang penalidad.
Una na nga pahayag nga ginkumpirma sang Armed Forces of the Philippines (AFP) nga yara sa masobra 500 army reservist nga miyembro ng KOJC.
Suno kay Col. Rey Balido, Deputy Chief, Public Affairs Office sang Philippine Army, 2015 pa accredited sa PA reservist ang media network ni Quiboloy nga ginatawag nga 2nd signal battalion Philippine Army reserve unit.
Samtang, madumduman nga gingpaningwala sang kampo ni Quiboloy ang alegasyon angkot sa Angel of death, suno sa legal counsel sini nga si Atty. Israelito Torreon, wala sang private army ang pastor kag lunsay mga private prayer warriors lang.
