Ginhatag na sang Pilipinas ang visa-free entry para sa mga turista halin sa India.
Ini ang bahin sang tikang sang gobyerno nga magpaigting sang turismo kag pagdalom sang relasyon sang duha ka pungsod.
Sugod subong nga dominggo, Hunyo 8, ang mga turistang Indian mahimo na magstay sa Pilipinas sang 14 ka adlaw nga wala sang visa, suno sa Department of Foreign Affairs (DFA).
Kinahanglan nila magpakita sang valid passport nga may sobra 6 ka bulan nga validity, confirmed hotel booking, proof of financial capacity, kag return ticket o ticket paadto sa sunod nga destinasyon.
Ang mga Indian nga may valid US, Japanese, Australian, Canadian, Schengen, Singapore, ukon UK visas ukon residence permits mahimo magstay sang 30 ka adlaw nga wala sang visa, apang kinahanglan magpresenta sang valid passport kag ticket.
Ang mga Indian nationals nga kwalipikado para sa e-Visa mahimo man mag-apply sa official website sang Philippine e-Visa (evisa.gov.ph).
Ang e-Visa indi pwede i-extend ukon i-convert sa iban nga klase sang visa.
